Независни за Карпош – Независни за Карпош

Ние сме ваши соседи

Ние сме ваши соседи–луѓе кои гипознавате, кои секојдневно со вас ги живеат иститепредизвици. Се боревме и продолжуваме за нашатавизија: Карпош без депонии, урбанизам по меркана жителите, паркови во непосредна близина,со безбедни улици, со искрена грижа за луѓето иживотните и целосна транспарентност.

Грижа за луѓето и животните

Грижа за луѓето и животните Грижа за луѓето е во сржта на нашата програма.

Менталното здравје е подеднакво важно како и физичкото. Ќе формираме кружоци со психолози кои ќе помагаат на граѓаните да научат да се справат и станат отпорни на предизвиците, со посебен фокус на младите.

За сите ученици дневен престој и дежурни паралелки до 5-то одделение. Ќе стимулираме откривање и поттикнување на таленти во сите области.

Простор за младите за дружба, културни активности, читална.

Со над 15.000 пензионери во Карпош, отворањето на клубови за постари лица ќе биде наш приоритет – места за дружба, активности и поддршка. Повеќе асистенти на оние кои имаат потешкотии во секојдневните активности.

Лицата со попреченост/посебни потреби ќе имаат регистар поврзан со државните институции и здруженија, инклузивни простори за активности и три транспортни комбиња за нивна мобилност. Субвенции за специјални трицикли.

Субвенции за ранливите категории сограѓани во областа на спорт, култура и велосипеди.

Ќе го стимулираме волонтеризмот како начин за градење заедништво.

Проблемот со бездомните животни ќе го решаваме преку соработка со прифатилишта и ветеринари, со акцент на стерилизација и згрижување.

Зелен и чист Карпош

Крај на дивите депонии комбиниран систем за следењена состојбата на терен преку камери и дронови, поставување огради и примена на казни.
За почист воздух пилот-програм за поставување филтри на печките и оџаците во објектите кои се загреваат на дрва и други горива. Со следење преку камери и дронови ќе биде ставен крајна палењето гуми и кабли.
Чистата вода за пиење и канализацијата ќе бидат приоритет, доизградба на мрежата до сите жители, изградба на пумпни станици и резервоари каде што недостигаат во тесна соработка со ЈП Водовод.
Креирање на паркови во радиус од 300 метри од секој жител.
Формирање на урбани градини како места кои ќе ја обединуваат заедницата и жителите ќе можат да садат зеленчук, овошје и цвеќиња
За полевањето на зелените површини нема да трошиме питка вода. Ќе обезбедиме бунари и системи за техничка вода.
Уредување на улиците – етапно ќе поставуваме дрвореди,нормални пешачки и велосипедски патеки.
Ќе го намалиме отпадот со формирање ново ЈП кое ќе се грижи за хигиената и ќе собира органски отпад во посебни канти. Тој отпад ќе биде обработуван во компостари и ќе се враќа како ѓубриво за градините и зеленилoто.

Општина за граѓаните, не за профит

Урбанистички планови за потребите на граѓаните, а не за профит, изработени од новото ЈП, каде интересот на жителите е во прв план.

Ревизија на секторот за урбанизам, како и на инспекторатот, за да се утврдат злоупотреби и непостапувања.

Ефикасна инспекција - редовна контрола над инспекторите. Вклучување во дигиталната платформа „е-инспектор“ за зголемување на транспарентноста на нивната работа.

Терминот „не сме надлежни“ нема да постои – секоја пријава одграѓаните ќе биде процесуирана и ќе се бара одговор и решение.

Администрацијата ќе помине низ независна функционална анализа за да се утврди каде има превработеност, а каде недостасуваат кадри.

Безбедна и уредена општина

Карпош мора да биде општина во која секое движење е безбедно. Визија нула жртви од сообраќај – ЗОНА 30 во сите населбикаде е дозволено и ЗОНА 20 каде улиците немаат тротоари.

Тротоарите ќе ги ослободиме од возила со поставување столпчиња, а велосипедистите ќе добијат вистински, безбедни патеки.

Паркирањето во општината ќе го регулираме преку новото ЈП, кое ќе управува со паркинзи и ќе има сопствена пајак служба. Постоечките гаражи ќе бидат ставени во функција.

Субвенции за граѓаните за подобар квалитет на своите домови, со енергетски ефикасни прозорци, врати, фасади и кровови и замена на азбестните кровови. Субвенции за карго велосипеди за транспорт на деца и бизнис потреби.

Транспарентност и стабилни финансии

Дигитална платформа за сите 14 урбани и месни заедници, каде граѓаните ќе имаат информации за актуелни и ДУП – ови во изработка, јавни анкети и простор за пријавување на проблеми ипредлози.

На секоја седница на Советот ќе има 15 минути за директни обраќања од жителите на општината.

Ќе бидат обезбедени преноси во живо од сите јавни презентации на ДУП, седници на комисии, форуми и јавни настани.

Сите финансии и доделени средства од страна на општината ќе бидат достапни за јавен увид.

За општината да не зависи од т.н. комуналии и постојано градење како извор на финансии,

Ќе биде ревидирана пазарната вредност на недвижностите и ќе се ажурира имотниот регистар.

Ќе се зголеми надоместокот за уредување на градежно земјиште, а општината ќе го зголеми користењето на европски и други фондови, како и нискокаматни кредити.

Активно ќе се залагаме и лобираме за значително поголем дел од ДДВ и персоналниот данок на доход да остануваат во општината.

Невена Георгиевска

Кандидат за градоначалничка на Карпош

Со години активно се залагамза запирање на непланскоградење, за чиста и здрава животна средина. Искрено, чесно и одговорно!

Ние сме граѓанска иницијатива „Независни за Карпош-За заштита на Карпош“.

Здружени, со голем ентузијазам, излегуваме на претстојните локални избори со независна граѓанска листа за членови на Советот на општина Карпош.

Ние сме ваши соседи, активисти и посветени граѓани кои во изминативе години застанаа во одбрана на јавното добро, за хуман и плански урбан развој, за заштита и унапредување на животната средина и со силна заложба за транспарентност и отчетност на локалните власти.